皇馬主場炒多鑊,太阳报—全球体育资讯,进球网
  • 首页
  • 即时比分
  • 篮球NBA
  • 国际足球
  • 中国足球
  • 综合体育
  • 彩票中心
  • 赛事分析
  • 报纸波经
  • 欧洲杯
  • 球坛百科
  • 首页 > 报纸波经 > 太阳报 > 正文

    皇馬主場炒多鑊

    时间:2018-04-11 10:19:23来源:互联网

    C朗追擊冇牙祖記
    今晚歐聯8強次回合,皇家馬德里主場鬥祖雲達斯,皇馬繼上屆決賽炒祖記4比1後,又喺首回合大勝3比0,擺明食硬呢支意甲老牌球隊。歐聯史上從未有球隊可以主場輸0比3之下反勝晉級,祖記仲有首席射手保羅戴巴拿停賽,真係慳番啖氣爭聯賽錦標好過,隨時再輸鑊甘,皇馬讓一球,細鬼都要上盤。

    (有線602及662台周四凌晨2時45分直播)

    皇馬喺西甲爭標無望,果然特別落力踢歐聯,首回合作客照狂攻祖記,一舉打破對手連續27場歐洲賽主場不敗紀錄。巨星C朗演出光芒四射,個人梅開二度,包括一記極精彩嘅倒掛金鈎破網,連祖記鋼門保方都話輸得口服心服。

    戴巴拿停賽 阿里基打定輸數
    C朗之前6次對祖記都有波入,共轟入9球,簡直係祖記嘅噩夢。呢位葡萄牙國腳唔止好波,而且以鬥心強見稱,即使皇馬已遙遙領先,相信佢仍然會搏命爭取入波,展示「歐聯射手王」功架。睇番C朗上場西甲只係踢咗64分鐘就被換走,明顯留力今場搏殺,佢一人已經牽制住祖記全隊,就算中堅沙治奧拉莫斯停賽,預料皇馬防線都可以再次保住唔失波。

    祖雲達斯首回合吞3蛋,教練阿里基話失埋第3球後,對球隊造成致命打擊,可見佢都冇乜信心次回合會反勝。事實上,祖記主場都捱打,如非皇馬球員浪費唔少入波機會,唔止輸3球咁少,足見兩隊實力有好大距離,今場作客更加危。

    屋漏偏逢連夜雨,祖記射手保羅戴巴拿首回合被逐,今場停賽,呢位阿根廷國腳上場意甲入3球,今季聯賽有21球進帳,佢缺陣可以話嚴重削弱祖記攻力,就算中場比真歷坐完波監可以復出,恐怕都冇乜幫助,再輸兩球或以上好正路。

    声明:本网站所收集文字、图片等内容均系网民撰写或程序在互联网中自动收录转载,文章著作权归原作者所有,内容为作者个人观点。转载的目的在于非盈利传递更多信息及用于网络分享,并不代表本站赞同其观点和对其真实性负责,也不构成任何其他建议,只供参考之用。本网站不保证信息的准确性、有效性、及时性和完整性。

    如果您发现网站上有侵犯您的知识产权的作品和其它问题,请与我们取得联系,我们会及时修改或删除。

    分享到:QQ空间新浪微博腾讯微博人人网微信